ڪتاب دوست مٺادلدار                               حصو ٻيو

    محمد موسيٰ ڀٽو (حيدرآباد)

سال2010ع ۾ آئون ۾ جينئن ئي تصنيف ۽ تاليف وارو ڪورس لاهور مان مڪمل واپس پهتس ته  اميرالدين مهر صاحب مونکي غزالي ايڪيڊمي جي ڪم سان حيدرآباد روانو ڪيو  اهو ڪمپوزنگ جو ڪم لطيف آبادنمبر 4 سنڌ نشنل ٽرسٽ۽ بيداري رسالي جي آفيس مان ڪرائڻو هو. آئون جڏهن بيداري رسالي جي آفيس ۾ پهتس ته منهنجي پهرين ملاقات محمد موسيٰ ڀٽي سان ٿي .

محمد موسيٰ ڀٽو پورو پنو رنگ جو پڪوسانورو اڇي خوبصورت ڏاڙهي مٿي تي ٽوپي ملڻ جلڻ ۽ ڳالهائڻ  بهترين شخص پئي لڳو .

مون کي آفيس ۾ سڏي ذڪر ڏئي مراقبو ڪرايائين.ان روحاني بزرگ سان منهنجون ڪيتريون ئي ملاقتون سندس آفيس ۾ ٿينديون  رهيون آهن

منهنجو پهريون ڪتاب ب اتان ڪمپوز ڪرايو.

مشھور مذهبي عالم ۽ اديب حافظ محمد موسيٰ ڀٽو،  آگسٽ 1951ع ۾ جندي ديري،ضلعي شڪارپور ۾ محمد عيسيٰ ڀٽو جي گهر ۾ ڄائو. هيءُ حافظ قرآن هئڻ سان گڏ عربي ۽ فارسيءَ جي سٺي ڄاڻ رکي ٿو.  شروع ۾ صحافت سان لاڳاپيل ھو ۽ ھفتيوار تڪبير ۽ جسارت سان لاڳاپو ھيس ۽ اردوءَ جو سٺو ڪالم نگار ھو. پاڻ  ’باب الاسلام پبليڪيشن حيدرآباد‘ جو صدر رهي چڪو آهي ۽ هن وقت ’سنڌ نيشنل اڪيڊمي ٽرسٽ‘ جو باني ۽ نگران آهي. ان کان سواءِ سندس ادارت ۾ ماهوار ’بيداري‘ رسالو هڪ وڏي عرصي کان نڪرندو رهي ٿو، جنهن ۾ هُو پنهنجي مسلڪ جو فڪري پرچار ڪندو رهي ٿو.
پاڻ سنڌ ۾ وڌندڙ لادينيت ۽ مذهب بيزار لاڙي خلاف ڀرپور علمي محاذ وڙهيا. ان مقصد خاطر سنڌ جي آزاد خيال اديبن ۽ شاعرن سان خط و ڪتابت شروع ڪيائون ۽ اسلام ڏانھن واپس اچڻ جي دعوت ڏنائون. سندس ڪوششن سان سنڌ جي عظيم ۽ نامياري شاعر شيخ اياز لادينيت کي خيرباد چئي واپس اسلام طرف آيو. سائين جي ايم سيد جي ڪتابن جي جواب ۾ ڪتاب ”جيڪي ڏٺو آه مون“ لکيائون. ان کان سواء بہ پاڻ مختلف زبانن ۾ ڪيترائي ڪتاب لکي سنڌ ڌرتي جي خدمت ڪيائون. حافظ موسىٰ ڀٽو صاحب حيدرآباد جا رهاڪو آهن. شروع ۾ جماعت اسلامي سان گڏجي ڪم ڪيائون، پر بعد ۾ سياست کي ڇڏي گوشه نشيني اختيار ڪيائون. ۔
حافظ صاحب جو گھڻو ڪم سنڌي ٻوليَ ۾ ٿيل آھي. پاڻ سنڌي توڻي ٻين زبانن ۾ جملي 200 ڪتاب لکيا آھن. جن مان ڪجهہ ڪتاب ھيٺيان آھن؛

•        اصلاح نفس کا لائحہ عمل

•        معاشرے کی اسلامی تشکيل نو اور تصوف و احسان
•        عرفان لطيف
•        شاه عبداللطيف بهڻائی کا پيغام جديد انسان کے نام
•        سنده کے اکابر بزرگ شاعر اور انـکے کلام کی تشريح
•        بزرگان دين کی تعليمات
•        تعلیمات مجدد الف ثانی

ڌڻي در دعا آهي ت پاڻ هميشه خوش رهي.

آيا آس ٿيام ٻاروچا ڀنڀور ۾

پسي پير پنهون جا نئين سر نيڻ ٺريام

گوندر وسريام سکون شاخون مڪيون.